法卡奧弗爆

猪拉多纳

「張峰」効力嘅日之泉JC晨曦，喺上場聯賽主場同南華踢成2:2，戰情激烈，雙方快上快落，兼有4個入波，相信入場球迷都過足癮啦！今日晏晝5:30日之泉JC晨曦作客小西灣運動場火併橫濱FC（香港），鍾意本地波嘅朋友記得入場多多支持！今晚為大家推介一場西甲馬體會對華歷簡奴，主隊乘住奪得歐洲超級盃嘅氣勢，要喺華歷簡奴身上全取3分絕對冇難度，問題只係睇吓贏幾多球啫，1.75倍「讓主」冇走雞！（now632台周一凌晨3:30直播）
華歷簡奴防守未遇考驗

由於要出戰歐超盃嘅關係，馬體會喺上輪聯賽輪空，今季兩戰西甲錄得1勝1和，絕唔失禮。喺歐超盃能夠大炒車路士，顯示出佢哋嘅火力同球員嘅質素，喺歐洲都屬於一線水平。特別係哥倫比亞國腳法卡奧，面對車路士都可以喺上半場連入3球，認真堅！今晚主場出戰防守力一般嘅華歷簡奴，睇怕又係法卡奧爭取士哥嘅良機，唔知佢又會唔會好似上場咁大演帽子戲法呢？

華歷簡奴開季3戰2勝1和，有7分喺手，睇落走勢唔錯，但佢哋頭兩場贏波嘅對手，只係實力平平嘅CF格蘭納達同貝迪斯。上場面對西維爾都和喎？鬼咩！唔輸要還神啦！如果唔係西維爾兩個12碼宴客，全場又瘋狂失機，輸咗九世啦！睇怕華歷簡奴嘅運氣都用得八八九九，除非隊波嘅防守力突然Upgrade幾級，如果唔係今場作客馬體會都幾大鑊！
張峰來料：馬體會（讓球主勝）

今季加盟日之泉JC晨曦的港腳張健峰，擅打左中場及左後衞多個位置，除了罰球有一手，最拿手係推介歐洲足球。