|
|
周三凌晨有10場英格蘭聯賽盃第3圈賽事舉行，米杜士堡、史雲斯、般尼鬥低組別球隊冇甜頭！其中英冠米堡勢必收起祖基域斯、麥伊治蘭、活基治、列比達等主力，作客英甲普雷斯頓冇運行。普軍主場惡死，之前已淘汰過兩支英冠球隊，主場受讓極筍！
（周三凌晨2時45分開賽）
英聯盃榮譽性近年愈來愈低，不但部分英超勁旅當雞肋，連英冠球隊都當呢隻盃仔冇到，當係二線球員練兵場。咁又難怪，就算佢哋叻仔打入16強甚至8強，最後撞番英超兵都要行人止步，咁搏把鬼咩！米堡以爭升班為目標，領隊莫比利於上圈淘汰基寧咸，已派出大量後備上陣，擺明唔夠踢就算。普雷斯頓本季好sharp醒，上兩圈先搞掂哈特斯菲爾德，再炒水晶宮4個1皮，今仗又受讓，「讓球主勝」點可以唔捧？
迪肯尼奧率史雲頓添食
另外英超史雲斯作客英甲卡維尼，史軍今季踢到曉飛，卡軍又低足2級，個客W竟有2倍，邊有咁筍？史軍領隊米高盧特立出副選，加上狀態又跌Watt，卡維尼受讓有得執。而英冠般尼作客英甲史雲頓，史軍有迪肯尼奧領軍，上兩圈淘汰白禮頓同史篤城，直取主W！
英聯盃推介
卡維尼讓球主勝
普雷斯頓讓球主勝
史雲頓勝 |
|
金睛卡
发表于 2012-9-25 09:29
变色卡
显身卡