車仔「讓球和」有着「洛」

猪拉多纳

歐聯衞冕冠軍車路士今晚喺E組作客洛斯查蘭特，車仔剛戰英超惡鬥阿仙奴，今仗對手唔強隨時畀班主力休息，分分鐘火力大減，洛斯查蘭特有主場之利未必大敗，不妨冷敲3.5倍「讓球和」。

（有線63及203周三凌晨2:45直播）
洛斯查蘭特主場近4戰不敗

雖然車路士今季喺攻擊線上買入咗唔少高質球員，但論攻擊力又唔算係零舍惡，贏波都係1球起兩球止，嚟到歐洲賽嘅作客環境，小妹真係唔睇好佢哋可以炒起洛斯查蘭特。況且「車仔」上場對阿仙奴精銳盡出，費托、桑馬達等通通正選上陣，難得佢哋家陣喺英超排緊第1，歐聯對二線球隊唔使咁肉緊住，小妹相信迪馬堤奧今場好可能派史杜列治、奧里奧爾羅美奧呢班副選落場，要大勝有難度。

洛斯查蘭特呢支應季丹超冠軍，最出名嘅球員要數被視為明日之星嘅米高盧特立囝囝安達斯盧特立，雖然佢哋整體實力唔強，不過話晒近4戰主場2勝2和，證明有番咁上下硬淨未必會大敗。

歐聯E組