辛尼特主場攞A

猪拉多纳

今晚歐聯早場，C組兩支未開齋球隊辛尼特同「紅黑兵團」AC米蘭狹路相逢，雖然後者歐戰經驗豐富，但今季實力大不如前，相反辛尼特有侯克同韋素兩大強援加盟，明顯劍指歐聯，加上首仗意外輸波，爭勝決心更堅，辛尼特小讓平半值博。

（有線61及201台周四凌晨零時直播）
史巴列堤摸清AC

辛尼特近年稱霸俄超，該隊希望更進一步，於歐聯有所作為，因此於轉會窗關閉前，以9500萬歐元連簽侯克同韋素，實力大增，經過幾仗的磨合後，兩大強援同球隊合作漸見默契。由於歐聯首仗落筆打三更，作客不敵馬拉加，因此辛尼特若想出線，今仗更加不容有失，必定要全力爭勝，該隊教練史巴列堤之前執教羅馬多年，對AC米蘭可謂熟晒路，主場出戰冇有怕。
艾沙拉維弗都冇計

經過季初的低潮後，AC米蘭近期總算止跌回穩，其中年輕前鋒艾沙拉維近四仗入三粒，狀態勇銳。不過AC後防自失去堤亞高施華、尼斯達等大將後，變得唔多穩陣，只靠麥薩斯、耶比斯、邦利拿之流嘅老弱殘兵，實在難擋辛尼特衝擊力極強嘅中鋒侯克進襲，前線冇咗能傳能射的伊巴謙莫域，進攻組織力大減，可謂攻不銳守不穩。今仗主隊要讓名牌AC已顯信心，呢個上盤捧得過。