|
|
韋斯咸今晚喺英超主場迎戰上周初嘗敗績嘅阿仙奴。兩隊上輪聯賽同樣經歷打吡戰，但命運迥異，今晚再次合演「倫敦打吡」，雙方戰意毋須懷疑，必定搏命。鑑於兩隊鋒力都有番咁上下，預期今場入波唔會少，「張峰」撐1.78倍入球大！
（有線200及300、廣東體育周日凌晨0:30直播）
「兵工廠」嘅防線每逢面對衝刺力強或高大嘅前鋒，都顯得束手無策，即使今晚或有梅迪薩卡復出，弊在佢速度同轉身慢，狀態又不足，睇怕都幫唔到幾多。最慘係今晚撞正嘅對手「錘仔幫」，素以傳統英式踢法高Q大棍畀中鋒， 配合後上嘅路蘭攻堅，隨時又會畀到「兵工廠」麻煩。
卡路爾衝刺強 梅迪薩卡轉身慢
事實上，喺韋斯咸嘅進攻模式入面，中鋒位置嘅制空力係非常緊要，今季由利物浦外借加盟嘅安祖卡路爾雖然技術麻麻，但制空同衝刺力一流，絕對啱晒韋斯咸班波。呢個「新舒利亞」上輪對昆士柏流浪復出踢18分鐘表現搶鏡，今晚擔正將會係佢Show Time。
由開季至今，「兵工廠」只有開咧頭兩戰食白果，其餘都能夠喺對手身上攞到入波，當中辛迪卡索拉擔當一個好重要嘅角色，多數有威脅嘅埋門都會經過呢個中場大腦，廠迷真係要望佢身體健康。
「錘仔幫」主場出擊一向士氣高昂，有力阻擋「兵工廠」取勝，既然勝負難料，考慮到韋斯咸近2場都開入球大，阿仙奴仲要係近6戰有5場開大，今鋪不如主攻瓣入球大，等睇入球騷啦！
張峰來料：韋斯咸（入球大） |
|
金睛卡
发表于 2012-10-6 10:14
变色卡
显身卡
发表于 2012-10-6 13:50
