阿根廷不勝無「圭」

猪拉多纳

世界盃南美洲區外圍賽，阿根廷主場迎戰烏拉圭。阿根廷近期全面回勇，對上兩仗外圍賽取得一勝一和成績，美斯同希古恩皆有入球，加上兩人喺球會有出色表現，球隊攻力絕不成問題。烏拉圭前仗作客實力不算太強嘅哥倫比亞慘吞四蛋，近況平平，加上有四位球員因傷退隊，實力一定受到影響，單靠卡雲尼同蘇亞雷斯未必能撕破主隊防線，阿根廷贏波冇難度，美斯謙進取啲捧埋2.1倍「讓球主勝」。

（有線61及201台周六早上8時直播）

阿根廷上輪兩場世界盃外圍賽取得一勝一和，登上積分榜首位，球隊令人印象深刻係對巴拉圭一仗展示非常到肉嘅攻勢，迪馬利亞、希古恩及美斯皆取得入球，可說技術擊倒對手。之後對秘魯一仗屬作客賽事，阿根廷客場出戰表現始終打折扣，和波實屬合理，今仗回師主場又係重振雄風時候。

阿根廷賽前雖有効力法甲巴黎聖日耳門前鋒拿維斯因傷退隊，但其缺陣唔會影響球隊攻力，阿根廷隊長美斯於上周末國家打吡梅開二度狀態甚佳，加上阿古路、希古恩及迪馬利亞皆在陣，球隊火力依然強勁。
烏拉圭傷兵多跌晒Watt

烏拉圭作客哥倫比亞慘敗令球迷大跌眼鏡，由此可見球隊客場出戰多數走樣，今仗難寄厚望。烏拉圭賽前更有四位球員艾保靴南迪斯、迪亞高佩雷斯、加斯頓拉美利斯及後備門將因傷退隊，前三人缺陣將削弱球隊中前場實力，只靠卡雲尼、科蘭和蘇亞雷斯衝鋒陷陣，未必能攻破阿根廷防線。阿根廷主場戰績一向有保證，今仗贏波相信毫無懸念，進取可捧埋「讓球主勝」。