馬其頓反客為主受讓有計

猪拉多纳

世盃外圍賽歐洲區A組賽事，馬其頓主場迎戰克羅地亞，馬其頓之前作客以一球飲恨，今次反客為主繼續受讓，Louis有信心成功復仇，建議追多一次，捧有2倍嘅馬其頓「讓球主勝」。

（周六凌晨2時30分開賽）

喺上月初克羅地亞主場對馬其頓，Louis同大家分析咗克羅地亞1.15倍主Ｗ唔值博，只可惜馬會冇受讓球半嘅下盤，當時惟有博4.1倍馬其頓「讓球客勝」，結果克羅地亞僅勝1比0，不過馬其頓機會甚至在克羅地亞之上，角球贏7比5，射門同中目標次數係13比7同3比2，克羅地亞計形勢根本唔值得贏波。
克羅地亞攻守混亂得個名

克羅地亞險勝完馬其頓後，作客面對比利時全場捱打，控球指數36比64，射門5比13，全靠比利時鋒將射極唔入，最終畀佢逼和搶走一分，不過無論組織同攻守，佢哋仍然十分混亂，大家唔好畀呢班波名氣嚇到。

Louis認為目前馬其頓國家隊係近十年最強，喺彭迪夫同洛維斯基帶領下每場賽事都能夠創造極大威脅，球隊狀態同士氣都一流，上次作客對克羅地亞計形勢都佔優，今場返到主場坐和望贏，受讓絕對係投X良機。
Louis推介：

馬其頓讓球勝 ★★★★

阿美尼亞大 ★★★

愛沙尼亞大 ★★★