岐阜硬淨唔赦山神

猪拉多纳

日乙球隊山形山神被視為升班熱門，呢支名氣球隊逢出必熱，作客成日都要讓波，不過，佢哋客場戰鬥力極弱，今季瘋狂輸盤，今次造訪ＦＣ岐阜依然要讓波，梗係信唔過啦，一於捧「讓球主勝」！

（周日晚6時開賽）

山形山神本身人腳唔錯，名氣頗大，佢哋主場踢落唔曳，但一作客就現形，對上十三次作客聯賽贏得一場，當中有唔少場次都要讓波，追上盤輸死人，真係唔好再中招喇！山神仲有機會爭升班，不過大軍近六戰輸五場，個勢曳到不得了，絕對靠唔住！ＦＣ岐阜主場三連勝，贏過前列球隊湘南比馬同東京綠茵，受讓有計！
向日葵「+1」有計

再睇另一場日乙，ＦＣ橫濱主場對北九州向日葵，主隊啱啱喺天皇盃同水手合演「橫濱打吡」，名副其實係打甩髀，搏到最後僅敗，情況唔多樂觀。向日葵經歷三連敗後褪熱，受讓博「讓球客勝」。另外，岡山綠雉上場喺天皇盃對住名古屋鯨魚鬥到尾段先輸，確係打得好好，今次主場對東京綠茵頂得住，要「讓球主勝」。

（周日中午12時開賽）