荷蘭U21超班攻無不「克」

猪拉多纳

U21歐國盃外圍賽今晚會踢埋最後一輪附加賽次回合，荷蘭喺呢項賽事已經4連勝，期間攻入16球僅失1球，對住首回合落後兩球逼住焗攻嘅斯洛伐克應可順利再下一城，2倍「讓主」捧得過！

（開賽時間：周二凌晨1:00）
斯洛伐克作客腳軟

雖然唔少球評家喺首回合賽後都批評荷蘭喺上半場踢得曳，最後淨勝2球有少少幸運成分，但要知道佢哋向來盛產天才球員，好似効力格羅寧根嘅前鋒施富克咁，佢11次代表U21已經射入10球，絕對稱得上明日之星，況且上仗倦勤嘅守將古維利奧有望復出，令實力更完整。

另邊廂，首回合落後兩粒嘅斯洛伐克向來都係地頭蟲，作客已經5戰不勝，最慘仲要只係入得2球咁大把，今晚被迫焗攻，後防肯定會暴露更多空間，任由「橙衫軍」魚肉！