比利時乘勝追擊蘇格蘭

猪拉多纳

國際賽事本來唔難賭，假若每支強隊都去盡，條數一定好易計，不過，依家唔少球星重視球會多過國家隊，令一線勁旅不時出現贏波輸盤情況，不宜盲目追名牌。今次推介歐洲新興勢力比利時，班波博緊上位，鬥志鮮明，世盃外歐洲區Ａ組主場對蘇格蘭可以再贏！

（周三凌晨２時45分開賽）
羅馬尼亞有大戶飛

比利時近年出產好多球星，隊中好多主力都於高水平聯賽搵食，當中以夏薩特及高柏尼等最成功，經過一輪磨合後，依家已經進入收成期，上次作客大勝爭出線主要對手塞爾維亞，顯示呢班波真係有料到，佢哋目前已具備歐洲一線尾水平，今次對住蘇格蘭雖然讓得較多，但應可贏波贏盤，呢隻上盤捧得過！

同日羅馬尼亞主場對荷蘭，經過多年沉寂後，羅馬尼亞已經重上正軌，近年更成為唔少外籍大戶追捧對象，今次於Ｄ組榜首大戰硬撼「橙軍」荷蘭唔係輸硬，現時受讓半一有利，呢隻下盤值得留意。另外，俄羅斯於名帥卡比路帶領下只求贏波，今次對弱旅阿塞拜疆讓得較多，有機會贏波輸盤，呢場可博下盤，兼顧大盤。
肥叔心水

阿塞拜疆下盤、大

塞浦路斯下盤

捷克上盤

羅馬尼亞下盤

比利時上盤

巴拉圭上盤