鹽湖城留力搶盃撐西雅圖

猪拉多纳

近年美職賽會已盡可能唔會喺國際賽期編排聯賽，但點解聽朝仲有場西雅圖海灣者主場對皇家鹽湖城嘅獨腳戲？事關雙方都提早取得季後賽資格，由於鹽湖城稍後要分心中北美洲冠軍盃，決心輸蝕難敵西雅圖。（開賽時間：周四早上10:00）

美職常規賽步入尾聲，已有6隊取得季後賽資格，包括西雅圖及鹽湖城兩隊西岸代表，由於啱啱完成國際賽，兩軍都有主將趕唔切歸隊，當中以鹽湖城比較大鑊，事關佢哋有沙保里奧等5大主將缺陣，不過都冇乜所謂，橫掂都入咗季後賽，倒不如留力下周對希雷迪亞洛嘅中冠盃生死戰好過。
西雅圖射手趕及歸隊

西雅圖海灣者今戰都缺少馬里奧馬天尼斯及阿當祖漢臣兩名國腳，但首席射手艾迪莊遜就喺今朝代表完美國之後，隨即歸隊披甲，單係呢份決心都值得尊重，加上西雅圖近6次主場取得5勝，有望開出1.66倍主W。