高雲地利當起追擊諾士郡

猪拉多纳

今晚最佳投X場次係英甲高雲地利主場鬥諾士郡，兩軍排名距離雖遠，但目前排名靠後嘅主隊當起，相反客軍當泵，高雲地利小讓平半十分有利，Macot吼上盤。（周六晚10時開賽）

高雲地利底子厚，喺八、九十年代曾經留喺英格蘭頂級聯賽廿多年，近年淪落英冠都未衰夠，上季仲降埋落英甲，依家仲徘徊榜末，不過喜獲有料新帥麥克羅賓斯領軍，呢位前諾域治同李斯特城球員帶畀球隊好多新衝擊，球隊本身實力唔係咁曳，近期狀態同信心大幅提升，近4輪聯賽不敗，仲包括上輪成功征服最難踢嘅史雲頓客場，2比2摸和對手跳出降班區。

相反，客軍諾士郡季初表現超水準，但近期正下滑中，近5戰只曾一勝，仲啱啱喺英錦賽主場以1比4慘敗於錫菲聯腳下，信心嚴重受挫。今仗對賽雙方都有多名球員因傷缺陣，大家都要用有限兵源搏殺，輪換空間有限，士氣同信心變得更重要，我深信排名20嘅高雲地利可以主場擊敗排緊第5嘅諾士郡。

Macot推介：

高雲地利上盤 ★★★★

漢諾威讓球客勝 ★★★★

彭美拉斯勝 ★★★