格蘭納達正氣薩得起

猪拉多纳

今日肥叔睇中場唔起眼嘅西甲波，CF格蘭納達主場對薩拉戈薩，薩拉戈薩今季擺明係搵食波，佢哋專揀波打，今次作客出戰係下風波，未必肯同你搏。格蘭納達正氣好多，呢班波愈踢愈好，今次讓波都捧得過！

（now 632周日晚11時50分直播）

薩拉戈薩今季一係贏一係輸，淨係睇績已經知佢哋係乜料，大家首先要搞清楚一件事，搵食波唔代表係蠱惑波，呢類球隊實力有限，冇可能場場搏，所以只會揀波踢，計掂條數就搏，若然度過唔夠打就留，呢啲係佢哋嘅生存之道，冇話對與錯。講番今場波，格蘭納達捱過地獄賽程，戰績開始冒升，個勢都幾強，薩拉戈薩就算有心搏殺都未必夠砌，一於要主隊！
馬體會回勇可再追

同日英超賽事愛華頓作客昆士柏流浪，「拖肥糖」今季升晒呢，唔係虛火喎，肥叔不嬲都欣賞佢哋個教頭莫耶斯，班波依家愈踢愈有信心，對住弱旅昆士柏流浪讓波都唔怕，照玩上盤。另外，西甲名氣波馬德里體育會今季個勢好好，呢隊波已經完全洗脫以往海鮮波味道，可以視為長期追捧對象，作客讓皇家蘇斯達都唔怕喇，放心玩上盤啦！
肥叔心水

利雲特下盤

新特蘭平手盤

阿特蘭大上盤

愛華頓上盤

漢堡上盤

CF格蘭納達上盤

馬德里體育會上盤