吳定強眼都唔眨(目及)實金津好

猪拉多纳

養馬量不多且以低班馬為主的吳定強，明晚尾場三班千二米，罕有地派出「金津好」、「錢照贏」及「精靈勇駿」聯袂攻堅，相信必有所圖。昨晨練者只安排前駒作最後試跑，強哥對牠十分緊張，似乎是主力所在。
       
金津好

是課「金津好」由王志偉單跳一段，出試期間，練者在烽火台窗邊食胡位聚精會神(目及)到實，睇到眼都唔眨，課罷人馬準備折返，強哥亦即時轉身離開烽火台，踏單車急急趕往機坪接馬，並聽取鞍上人第一時間匯報。「金津好」去年底轉投吳廐後一直未跑過，難得今季開操以來可大力打磨，早前試閘表現亦佳，今次久休復出抽得一檔，相信強哥都想省靚招牌。