今季上名率极高 郑廐马要吼实

猪拉多纳

　　此外，吕健威、郑俊伟、何良，亦处於练榜中上游。比较失运是徐雨石，此廐係目前跑第二最多嘅马房，亦係24廐裏唯一亚军次数达双位数，都唔知值唔值恭喜？！

　　其实，部分外籍马房成绩至此仍差，像苗、贺、薛、霍四廐只赢到3W，苏廐更只得两场，所以，目前大部分华人马房个势咁好，真係要跟红顶白，起码鬥志唔使怀疑。

　　今期谷草赛事，焦点练马师会係郑俊伟，出马5匹，除了尾场「旋风魅力」，其馀全部喺季内跑过，有啲啱啱入围，或较早前已上名，摆出咁嘅阵容，又点可以唔重视。同时，此廐目前上名率在各廐之中排第三，證明到上阵马演出稳定。

　　第三场「神童」及第四场「生豪」，均为谷草1200米路程好手，称唔上係班顶分子，但各有优点。前驹演出準得交关，咁耐跑过9场，得1场冇前四名，今仗排档好而负磅不重，提升机会；後驹初出突如其来，表现吃一惊，估计由外档转回内档，对发挥帮助大。Jack