华伦天奴转场票劲

猪拉多纳

　　今晚唔少马房安排马匹初跑谷草，又或者摆啲从来未上过阵嘅马出嚟跑，试马性质幾浓厚，究竟佢哋係横扫千军赢晒，定係跑到好似唔识跑咁？飞数唔多唔少会有啲启示，密切留意。

　　唔知点解，噚晚有好多离奇怪飞马，当中最令人莫名奇妙嘅，都係第四场「华伦天奴」，首先，佢喺跑马地C栏排十一档，已经唔係热嘅理由，再加上佢上次转薛廐初出，其实係冇人睇好，最後赔率有31倍咁多，跑落仲要输十五个马位，照计今铺再出，50倍都唔叫抵。但係呢匹马隔晚个W竟然得5倍，P仲要係全场大热门，只得1.1倍？究竟咩葫芦卖咩药？睇嚟係吼佢转番赢马路程谷草1200米会变身，一於信佢。

　　骑师王方面，韦达骑足八场，当然得2倍幾，但佢今期胯下坐骑其实好多匹都係初次跑谷草赛事，有危机，不如信蔡明绍仲好。周仲