皇蘇作客腳軟撐華拉度列

猪拉多纳

今晚有場西甲獨腳戲，由華拉度列主場迎戰皇家蘇斯達，後者開季至今4場作客全敗，正選門將哥迪奧巴禾又打埋柴，今晚難望搶分而回，一於捧1.98倍主W！

（now632台周二凌晨4:30直播）
離開地頭4戰全敗

正喺中下游徘徊嘅皇蘇，主客戰績可以話有天淵之別，開季主場3連勝，直至上個禮拜先至畀馬德里體育會打破不敗身，可惜一離開自己地頭就發軟蹄，4戰4敗，明顯班波作客嘅心理質素同臨場適應力都唔多掂有待改善，難怪教頭蒙坦尼亞日前專登開大會，提醒班球員唔係次次主場都可以贏波，希望作客都要踢出主場水準去努力搶分，不過你估單憑講句鼓勵說話就可以贏波咩！最慘係正選門將哥迪奧巴禾上月尾受傷，改由蘇比加雷把關，弊在呢位替工表現唔多可靠，近兩場都失波，今晚想搶到分似乎難啲喎！

另邊廂嘅華拉度列，雖有前鋒文路祖停賽，幸兩名中場艾華路羅比奧同埋路爾斯沙斯特里及時傷愈可披甲，令中場線攻守更平衡，兼且近3次對賽錄得2勝1和，主W信得過！