赌还赌 睇还睇

猪拉多纳

　　站在菠菜角度，赛马並无中间位，唔会有友谊第一、比赛第二，甚麽虽败犹荣等等，真正係成王败寇，赢就赢、输就输。现实係残酷，但菠菜活动由古至今，定律冇变过，赌W，输个马鼻，唔可以回水（除非每注买多过一万）；买三T，中8隻半（其中1驹影相跑第四），一样唔会中到正奖，遊戏规则係咁，有份参与，便要遵守。

　　如果退後一步，情况将会好唔同，唔係以投X人身份，而係以欣赏心态，胜负便属其次，就算阁下锺意嗰匹马，最终未能以首名过终点，如果人与马已跑出水準，输了亦拍烂手掌。

　　睇赛事片不应先入为主

　　之所以，有时翻睇赛事片，的确要转换心态，某场赛事嘅某驹曾令阁下有所损失，重看之时亦唔应该带着「有色眼镜」，以及先入为主态度，但凡有关该驹一切，便会睇唔顺眼和主观，建议抱着欣赏心态，可能对阅读赛事时，带来更深了解。

　　若然以欣赏心态的话，日前举行的沙田锦标，韦达策骑「精彩日子」就係一个好好样办。佢由出闸冇耐，总之「雄心威龙」去边，佢便「捕」在其後，一直冇离开过视线範围，跑至转弯一段，已经慢慢移出上前，最後300米率先发力，拍上嚟但唔够鬥，人与马克尽己任，输咗亦无话可说。