AC技窮咬唔入巴勒莫

猪拉多纳

周中意甲快車賽期，率先舉行為巴勒莫主場對ＡＣ米蘭。上輪聯賽ＡＣ米蘭憑大紅人艾沙拉維入球險熱拿亞，睇落以為球隊復甦，查實係對手熱拿亞太過弱勢。可以講ＡＣ米蘭小勝一球只係正常賽果，根本冇太大參考價值。今次「紅黑兵團」南下西西里島作賽，相信連勝可能性好低。ＡＣ米蘭作客讓唔起對手，巴勒莫「讓球主勝」有1.57倍捧得過。

（中央5台周三凌晨３時45分直播）
艾沙拉維獨力難支

ＡＣ米蘭今季成績唔好，教練阿里基為求扭轉劣勢真係乜都出齊，之前就換人，近期就變陣，但效果唔算太明顯。若果唔係有狀態大勇嘅艾沙拉維撐住，聯賽排名可能更低。依家ＡＣ米蘭無論面對任何球隊都欠缺取勝把握，再加上中場奇雲保定因傷缺陣，今場要贏巴勒莫嘅難度極高。留意到ＡＣ米蘭最近一次作客巴勒莫就贏四比○，但當日兩位入球者伊巴謙莫域及堤亞高施華都已經離隊，巴勒莫後防所受嘅壓力必減輕。大家都知小島球隊巴勒莫向來都靠主場搵食，而連續四場聯賽保持不敗亦顯出球員狀態唔差，主隊受讓必揀「讓球主勝」。