國米弗爆重現雄「森」

猪拉多纳

論意甲近期當弗球隊，國際米蘭一定有份。周中快車賽期國際米蘭主場迎森多利亞，相信國際米蘭可乘勇再下一城。今場對賽強弱懸殊，國際米蘭有望以大比數取勝，「讓球主勝」值得睇好。

（廣東體育周四凌晨3時45分直播）

國際米蘭連同意甲及歐霸盃已取得七連勝，老闆莫拉堤大讚球員有鬥志，仲話今季有機會挑戰聯賽冠軍。自從葡萄牙名帥莫連奴離隊之後，莫拉堤已收起雄心壯志，好少對球隊目標發表「偉論」。但少帥施特拉馬斯安尼竟然令老闆有番晒信心，可見呢位三十六歲教練絕唔簡單。需知道施特拉馬斯安尼薪酬唔高，要換得一紙高薪合約就有必要繼續交出好成績，今場又點放過森多利亞。
森多利亞殘陣態沉

回升意甲嘅森多利亞，開鑼日係威係勢砌低AC米蘭。奈何良好表現未能持續，近四場聯賽全部輸晒。既然今場要作客聖西路，仲要面對弗到爆嘅國際米蘭，相信森多利亞都好難翻身。賽前傳出幾位正選球員包括麥斯盧比斯、馬斯卡拉、普斯、奧比安都有傷未必可以落場，森多利亞今場形勢並不樂觀。

另外同時間進行仲有卡利亞里主場對錫耶納，主Ｗ可以優先留意。卡利亞里換上新帥佩加之後突然回勇，連續三場聯賽獲得全勝。似乎卡利亞里升浪未止，主場面對弱隊錫耶納贏波應該冇難度，主Ｗ有1.77倍值得捧場。
意甲推介

卡利亞里勝

國際米蘭讓球主勝

帕爾馬大盤