利華強勢威「比」你睇

猪拉多纳

今晚德國盃上演一場百年老牌球會大戰，由比勒費爾德主場迎戰利華古遜。利華今季勢如破竹，周日仲打破咗拜仁開季8連勝紀錄，前鋒傑斯寧狀態大勇，近5場入咗5球，今晚對住低兩組別嘅球隊，「讓球客勝」都仲有1.88倍，相當抵捧！

（無綫翡翠台周四凌晨2:00直播）
比勒費爾德沉淪丙組

資深嘅德甲球迷一定唔會對比勒費爾德感到陌生，事關呢班波多次喺德甲浮沉，對上一次升上頂級聯賽喺2004至05球季，佢哋喺德甲作戰期間一直食住利華，近5次喺主場對賽取得4勝1和，可惜自從09年降班後就一蹶不振，上季更淪落到踢丙組，今晚想守和都難！

數據係要嚟打破嘅！雖然利華起碼成10年未試過作客贏過比勒費爾德，不過佢哋上仗連拜仁都搞掂埋，今晚再贏「過氣勁敵」又有幾出奇？佢哋今季勢如破竹，連埋盃賽已經9場未輸過，前鋒傑斯寧近5場聯賽入咗5球，相信今晚利華唔止贏，更加係大勝而歸！
德、荷盃、法、英、蘇聯盃及美職季後賽賽制：

以上賽事均以一場過分勝負，若法定時間內打成平手，則需加時作賽，再和就互射12碼決勝。