追捧聖日耳門尼斯

猪拉多纳

剛過去周中上演法聯盃十六強賽事，上屆冠、亞軍馬賽及里昂齊齊被淘汰，不過由於對手係狀態大勇嘅巴黎聖日耳門及尼斯，所以唔完全怪得佢哋。既然聖、尼兩軍近期咁弗，波童今晚決定跟紅頂白，追捧聖日耳門及尼斯主W，另外推介分頭較佳嘅聖日耳門「和主」。

（now 714周日凌晨零時直播）
敲聖日耳門「和主」

聖日耳門剛於法聯盃國家打吡淨勝馬賽二比○，連盃賽在內四連勝兼冇失波，該仗佢哋上半場中段已多打一人，贏波過程好輕鬆，而且射手伊巴謙莫域未有落場，擺明養精蓄銳搏今仗。球隊下周歐聯賽事於主場出戰，毋須舟車勞頓，而且對手只係分組賽三連敗嘅薩格勒布戴拿模，唔使擔心出現留力情況，但考慮到對手聖伊天近況亦唔錯，連同法聯盃擊敗索察已保持七場不敗，預計初段可頂住聖日耳門狂攻，如果嫌主W冇肉食，可敲半全場「和主」。

另一場尼斯主場鬥南錫，尼斯今季獲前阿積士及小保加射手施維坦歷治加盟，攻力大大提升，近十場比賽場場有士哥，合共入咗二十球，周中擊敗里昂更堪稱今季代表作，南錫近九場比賽輸八場，當中四場作客全部輸晒，1.85倍主W值得支持。（周日凌晨3時開賽）