卡坦尼亞谷氣搶Ｗ補素

猪拉多纳

卡坦尼亞係意甲平民球隊，財力有限亦冇乜球星，不過卻自強不息踢出悅目可觀足球，令人敬佩，只可惜因為平民身份經常被欺負，近期連續三仗贏唔到波，原因唔係因為對手都係勁旅，而係受到不公平待遇，今晚谷埋道氣主場迎戰人腳唔齊嘅另一名牌拉素，Ali深信卡坦尼亞可以贏波吐烏氣，主隊讓平半有高水，宜捧上盤。

（周日晚10時開賽）
連續三仗打老虎遭搶劫

卡坦尼亞近三仗都遇勁旅，戰績兩負一和，但有睇波嘅朋友都會戥佢哋唔抵，大前仗作客國際米蘭，球證對佢哋百分百應得嘅12碼視若無睹；前仗主場鬥榜首祖雲達斯，先有一個清脆入波被無故判詐胡，然後對手維達爾明顯越位嘅入波卻被判有效，跟住仲有主力馬查斯被逐離場，最終輸0比1等同被搶劫；上仗作客烏甸尼斯，喺半場落後一球下曾反先2比1，最終踢到90分鐘畀迪拿達利追和，該役卡坦尼亞有多名主力傷停，咁都幾乎作客贏波足見絕不簡單。今仗主場迎戰拉素，卡坦尼亞除咗決心重響勝鼓外，兩大重心馬查斯同歷高達利雙雙停滿復出，主力攻擊手柏保路巴列安圖斯傷愈復出，陣容完整得多。
拉素射手高路斯停賽

拉素季初成績優異，但近期明顯下滑，繼作客吞費倫天拿兩蛋後，上仗主場對拖連奴都處於劣勢，全賴對手屢失良機至執番一分，連同今仗，球隊未來兩周要面對彭拿典奈高斯、羅馬、祖雲達斯同熱刺等硬仗，教練柏高域要作出適量輪換，加上首席射手高路斯停賽，門將馬捷迪因傷缺陣，今場作客更難樂觀。
Ali 推介：

卡坦尼亞上盤★★★★

費倫天拿勝★★★★

羅馬大★★★