佩斯卡拉下盤攞着數

猪拉多纳

踏入十一月份，歐洲主流賽事大部分都踢咗十輪八輪，啲球隊有幾多料，基本上睇得七七八八，升班球隊經過適應期後，依家進入關鍵階段，能否企穩陣腳就睇呢期演出。意甲大軍佩斯卡拉近績唔突出，但其實愈踢愈進步，今次主場對帕爾馬受讓有利，博下盤！

（周日晚7時30分開賽）

想睇一支球隊實力一定要花時間慢慢觀察，唔好齋睇表面賽績就下判斷，若果單計近績，佩斯卡拉近四戰三敗，而且一球都入唔到，好似完全唔夠班咁，但實情呢隊波演出不斷有改善，經過連場劣績後，今次返到主場換來理想盤口，真係好抵玩。帕爾馬並非勁旅，連贏三場後作客讓波，似係獲利回吐格局！
拉科主場贏到馬略卡

同日西甲賽事奧沙辛拿主場對華拉度列，主隊現時位列榜尾，近況肯定唔好，但呢隊波主場評級唔低，今次對住同級球隊華拉度列，絕對係博反彈好時機，現時小讓平半個盤合理，上盤可留意。另一支西甲大軍拉科魯尼亞主場對馬略卡，兩隊近績唔好，但拉科主場有料到，今場贏面較高！
肥叔心水

皇家蘇斯達 上盤

佩斯卡拉 下盤

昆士柏流浪 大

卡坦尼亞 上盤

卡利亞里 下盤

拉科魯尼亞 上盤

奧沙辛拿 上盤