銀河傷疲盡起有聖算

猪拉多纳

聖荷西地震以3分力壓群雄，奪得美職常規賽冠軍又如何？去到季後賽咪又要重新嚟過，佢哋聽朝喺西岸4強首回合作客傷疲盡起嘅洛杉磯銀河，好難延續9場不敗走勢，建議捧1.86倍主W。

（開賽時間：周一早上10:00）
聖荷西季後賽經驗不足

無疑聖荷西地震喺常規賽表現出色，不過自2008年重組之後，其實只係踢過1次季後賽，面對巨星如雲嘅衞冕冠軍銀河，經驗點都輸蝕。

洛杉磯銀河今季戰績雖然唔及上季，但對上9次主場都取得8勝1負，最重要係一眾星級球員，包括射手艾臣布度、隊長當路雲及「萬人迷」碧咸，喺早前養傷完一段時間之後，都可以喺季尾及時傷愈，當路雲更於上仗射入奠勝嘅12碼，今仗面對聖荷西地震，係一眾星級戰將發揮經驗嘅時候。
足球重心：洛杉磯銀河（勝）、肯薩斯體育會（下盤）

馬膽推介：8場(10)喜盈門

雖然過往都係初出特佳，但上仗跑直路賽嘅贏馬姿態的確出色，話唔埋今季先至大爆發，今仗變成半冷門值得追寶尾。
美職季後賽賽制

採主客兩回合淘汰制，今輪為東/西岸4強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。