AC有仇報仇糟質馬拉加

猪拉多纳

AC米蘭喺上輪歐聯C組分組賽作客以0:1不敵馬拉加之後，今晚就會返到聖西路主場再同對手交鋒，卡爾萬睇好復甦嘅「紅黑兵團」可以復仇成功，讓平半上盤抵捧。 （有線63及203周三凌晨3:45分直播）
艾沙拉維狂入波博免費旅行

創下季初最差開局後，有關AC負面消息不絕，直至上仗大炒基爾禾5:1，總算重返正軌。近期擔當「紅黑兵團」救世主嘅射手艾沙拉維，繼之前贏咗同岩布仙尼之間嘅打賭，冬季假期使費有着落後，日前二人又再side bet，岩布仙尼話如果艾沙拉維入夠10球，就請佢去加勒比海玩，刺激佢繼續爭取入球，相信AC今仗有奇雲保定復出擔正，艾沙拉維呢位救世主隨時又可以免費旅行。

AC米蘭就重現朝氣，相反馬拉加就有斷纜迹象，上周末喺主場迎戰作客4連敗嘅華歷簡奴，縱使有祖亞昆及沙維奧拿等精銳盡出，竟然都以1:2落敗，季內首次喺自己地頭輸波，今次征戰意大利，好大機會畀AC成功復仇兼收窄積分距離。

歐聯C組