慕遜畢爾包難逃法網

猪拉多纳

馬賽主場惡 里昂遣強陣

兩支法甲勁旅今輪歐霸盃都有電視直播，C組馬賽上次作客不敵德甲慕遜加柏，今次返主場有力雪恥，捧馬賽主Ｗ。另一場I組里昂作客畢爾包只要全取3分便可提早出線，主隊今季表現走晒樣難讓對手，捧里昂「讓球客勝」。

（有線63及203台周五凌晨4時05分直播）

馬賽上輪作客不敵慕遜加柏，已被對手追至同得4分，雖然馬賽近期表現一般，但大部分為作客賽事，球隊今季連盃賽7場主場未輸過，包括於分組賽以5比1大炒AEL利馬素，表現有保證。

相反慕遜加柏今季作客失波多，唔計上周中德國盃賽事，對上三場對住實力較強嘅漢諾威、雲達不來梅及多蒙特一共失咗11球之多，相信馬賽可憑主場之利報回一敗之辱。

（有線63及203台周五凌晨2時直播）
畢爾包未復舊觀

另一場I組畢爾包主場對里昂，里昂頭三輪分組賽全勝，今場只要贏波便無需理會其他戰果，率先進身淘汰賽，睇番佢哋頭三場陣容，大部分主力好似利辛度盧比斯、拿卡錫迪、干拿倫斯、洛夫雲都曾正選上陣，對此盃可謂誠意十足，相信今場一樣會強陣出擊。

畢爾包季初因為主力查維馬天尼斯離隊，洛蘭迪亦喊走，令隊內士氣低落，頭三輪僅得１分出線機會渺茫，從近期演出嚟睇似乎仲未重上正軌，要讓波信唔過，揀「讓球客勝」正路。