葉士域治般尼演入球騷

猪拉多纳

今日阿King集中推介英冠賽事，葉士域治主場鬥般尼，入波唔會少！葉軍後防勁曳，上場對水晶宮被予取予攜吞夠五蛋，新帥麥卡菲一時三刻好難解決問題。般尼神鋒查理柯士甸入波易過食生菜，今次又係佢Show time，一於捧大！

（周六晚11時開賽）

葉士域治早前怒炒領隊祖維爾，請來前狼隊領隊麥卡菲接手，佢一上場係威係勢，帶領球隊作客贏伯明翰。不過隊波明顯有問題，齋打士氣都係嘥氣，上仗去到作客勁旅水晶宮，即刻原形畢露，最後大敗0比5。麥帥唔係神仙，葉士域治後防仲有排執，今戰都幾難保清白之身。般尼23歲前鋒查理柯士甸弗到爆，目前以16個聯賽入球領先射手榜，其中近10場轟入13球，腳風順到爆今場好難冇士哥，捧大盤啱數。
哈特斯菲爾德受讓要捧

哈特斯菲爾德作客班士利，班軍三連敗狀態曳，讓唔起硬淨哈軍，哈特斯菲爾德受讓捧「讓球客勝」。另一場布力般流浪主場對伯明翰，布軍狀態攻力一般，伯明翰死守效果一流，捧細。