華拉度列主場受讓筍

猪拉多纳

經過歐聯激戰後，各地名牌球隊隨時搏殘，揀波不宜過分倚重呢類熱門球隊，若然計掂形勢，甚至可以反埋佢哋！西甲實力分子華倫西亞連踢兩場硬仗，今次作客華拉度列仲要讓波，梗係捧對家啦！

（now 632周日晚7時直播）
華倫作客一再累街坊

華倫西亞上周聯賽硬撼馬體會贏波，跟手再喺歐聯戰勝巴迪，兩場波於主場贏得出色，自然吸引唔少投X人士跟進。不過，呢班波客場演出並唔突出，今季一再於作客環境下失分累街坊，今場仲要讓波，真係危危乎！華拉度列實而不華，喺主場好硬淨，絕對唔易對付，有力搞掂華倫，要下盤！

同日意甲勁旅國際米蘭作客阿特蘭大，意甲本來被視為祖雲達斯一隊獨大，但國米近期愈踢愈好，早前擊敗「祖記」場波踢出代表作，依家班波個勢順到不得了，佢哋喺歐霸盃唔算好肉緊，加上已經打起信心，預期短期內仲有得贏，今場對手阿特蘭大級數一般，難阻國米再下一城。

同日英超連場大戰，曼城主場鬥熱刺，車路士主場對利物浦，兩場波同樣矚目，幾支實力分子交手實搏到盡，相信入波會多，兩場都可以捧晒大盤。
肥叔心水

華拉度列下盤

曼城大

拉素平手盤

紐卡素上盤

車路士大

馬略卡下盤、大

馬德里體育會上盤

國際米蘭上盤