神射手復出獅吼狂噬悉尼

猪拉多纳

俗語有云受傷嘅獅子最可怕，上季霸主布里斯班獅吼今季贏得1場包緊艇，當然就唔甘心，好彩上季聯賽神射手、「獅子王」貝利沙有望傷愈擔正，主場出擊隨時狂噬FC悉尼，2.35倍「讓球主勝」要撐！ （有線64及204周五下午5:00直播）

季前揚言力爭3連霸嘅布里斯班獅吼，家陣居然喺積分榜敬陪末席，再咁落去莫講話爭冠，隨時連季後賽都入唔到，今仗面對開季輸波場數及失波都最多嘅FC悉尼，係獅吼重振雄風嘅好機會。
FC悉尼陣前易帥

對手FC悉尼雖然排名較高，但其實近況更沉，佢哋近兩場都係被對手反勝之餘，仲夾埋失咗成10球，最終教練伊恩曲克亦引咎辭職，陣前易帥加上防線形同虛設，就算有迪比亞路都撐唔住啦！