紅魔大起金絲雀

猪拉多纳

尾場曼聯作客「金絲雀」諾域治。紅魔上仗落後兩粒反勝阿士東維拉，一眾射手火力全開背後，亦反映出防守頑疾依然冇乜改善，已連開12口大。諾域治近五仗保持不敗，有力喺紅魔脆弱防線身上搵到着數，一於繼續追大盤。

（有線300及200台周日凌晨1時30分直播）
連開12口大着晒火

曼聯今季後防傷兵滿營，令老將里奧費迪南、艾拉甚少獲得輪休，話唔攰就呃你，年輕守將莊尼伊雲斯、基斯史摩寧傷愈後狀態麻麻，加上缺乏硬淨防中，特別係面對快攻時，防線漏洞便表露無遺。淨係睇近十二場賽事，曼聯有六場係先失波，「金絲雀」箭頭兼隊長格蘭荷特衝得撞得，可在呢條殘缺防線搵到食。

好彩曼聯鋒線攻力強橫，尹佩斯拍朗尼固然勁，連後備嘅查維亞靴南迪斯都弗爆，近六仗轟入7球，因此紅魔連開12口大絕非偶然。球隊上仗反勝維拉夠晒精彩，球員士氣正盛，預計攻力仍會保持，一於再追大盤。