吉祥名列前茅仁心仁術无敌王者 加州万里多名利包装博士喜莲标緻

猪拉多纳

　　今日田草B+2栏赛事，向来跑法宜守好位，如果场地倾向变化，更加唔易追。而呢日幾大马房齐齐兵临城下，当然，所有集中力去晒摩廐，出马太多，点可能唔认真看待。

　　「吉祥」阵中愈来愈放鬆心情，上场更罕有识在末段追吓，看来性情渐改，阵上渐有竞争力。今场落班转大场而有内档，整套发挥或比谷草顺畅，希望小将舞得掂，半冷可博。「名列前茅」初出谷草输经验，走势嫩水，转场好大机会唔同晒。「仁心仁術」已见尽，係跑弗。「星运俊爵」近两仗一再输在早段被对手「烧」，如果今场「轩辕勇将」唔捣乱，场慢啱放。「夺目商人」暂冇藉口跟进。「无敌王者」初出之前曾放缓準备，初出却展示到唔错前跟力及韧力，有过一场热身，呢次排1档，随时提升名次。

　　

　　

　　「颂友」经验及参与赛事水準较对手优胜，只係担心场地如偏慢，仲识唔识追。「好威龙」拍跳课课靓，未必再会输畀「飞哥」；後驹进度唔觉有进步，最多係维持。

　　「超光速」跑完一场早课係规矩咗，加程亦会比直路赛好。「共创明天」未够弗，跑质素。

　　

　　

　　「夺錶」心态係搏到赢为止，场地如何亦影响唔到。「豐盛之星」刚赛已拣，表现称职，续可留意。

　　「大卫金刚」上赛已指出，再之前输唔係状态问题，结果刚仗跑番好，再跟。「朗天」及「领航精神」跑法均有可能成为受益者。「喜相逢」和「福誉」近况最可取，惜前驹不宜地慢，後驹长力未知，唔係热门则可拖一注。

　　

　　

　　拣完一对超级马「小母牛」与「惊雷」，其他选择已经唔多，「新力飞」级数不及前两驹，好在状态一直喼得靓。

　　「东成西就」与「胜利攻略」初出输到好难睇。「旺綵」一日未落班，唔会再沾手。「香港神驹」早前试草闸姿态比前畅顺，进度有起色，如果骑者唔似上场近乎遊魂发挥，或可争P。

　　

　　

　　「首饰多宝」初出唔锺意，入Q喜出望外，而睇佢早段跟唔住，末段外档衝又蚀（最後100米始挞着後劲），临尾势头极强，加程应该会好。

　　「胜算高」终於在上场现形，由於有步速，後上跑法在今场唔会蚀。「时来风送」落足心机操练，操到九成以上至攞出嚟，季内初出即搏。「威老虎」及「无双小子」，一对与柏宝相关之马，秤级数，後驹略佳，如地慢则冇符。「威腾驹」未跑入状态。

　　

　　

　　「骊龙」一心操勇始作转马房首战，係咪质素唔掂，今场再睇多啲。「至尊飞星」慢地1400米曾胜，有埋4档夹啱跑法。

　　「喜惑」係博1档赚好多。「智高星」暂时能力差不多睇晒，三班顶多争P。「贺喜」近况冇走样，只係体力方面有保留。「夺綵奇兵」初出输在出闸，係咪真係操好赛劣，建议睇多场，如赔率过冷，可拖一注。

　　

　　

　　「加州万里」操练唔够水準一样在上场追番段，级数及鬥心使然，跑完上场进展幾大，上番2000米反客为主。「包装博士」及「多名利」，实力相近，此程性能可能後驹较有把握。「魔法幻影」卡士高，状况却未足。「红山茶」跑弗。「喜莲标緻」可能係全场最勇一匹，TF脚可博。

　　

　　

　　「雄心威龙」上场又以「行过」对手姿态赢马，今日唔係发挥或场地影响，幾难有对手。

　　「精彩日子」刚仗人马演绎一百分，跑输冇得讲，除非加罩令其跑快两个身位，才有反先可能。「军事出击」初出人与马都跑得差，博换人及开气後进步大。「君子一言」上场已感失望。「包装选择」及「花月春风」，前驹场地及档位形势较安心。

　　

　　

　　「天久」与「小桥流水」回港後，前驹重拾状态进度略快，至於，一对马在短途嘅级数唔使点交代。

　　「红旗勇将」赢在勇态，但地慢必减低机会。「甜将」大可以当上场冇跑过，论态仍吸引，赔率由热变冷，其实更好。「雅雪」连仗以快速放入Q，今场1档啱晒。「爱跑得」赢完仲係咁锐，惜形势略与上赛不一样。

　　

　　

　　「户外名驹」唔係慢地会睇高一线，若不，「总统之光」揸胆，事关上场极慢步速仍後上入P，證明进度返紧嚟。

　　「魅力知己」暑後进展唔算嚟得好。「经典皇牌」从来冇两剂，信不信视乎阁下胆识。「风雲武士」採用比保守更保守跑法，刚赛仍衝刺强烈（拉士缔速乃该日11场第二快），加程到位。「靓橙」输完大手做嘢，印象比前好多多声。

　　

　　

　　「山顶」、「香港兴旺」及「小宇宙」，应该係今场三强，前驹赢在季内已热身，鬥进度略胜一筹。

　　「风之子」加至131磅，已不如近仗好跑。「一宝」直路赛转1200米，未必会好。「旺当家」近况明显有起色，且路合档佳，大冷在此。「左右逢源」睇进度、讲手法，初出好有诚意，不过，强手林立，要顾及胃口，可留意走势。「文武维扬」唔係进度有问题，伤完好似跑唔番。