隔晚多人买靓橙

猪拉多纳

　　话晒今日都有国际赛，投X额点都会多，唔使讲，练马师亦都会摆多啲靓马出嚟砌，等佢哋喺马迷心目中留个好印象。隔晚睇飞数，最热嘅係第四场「小母牛」同第八场「雄心威龙」，独赢得1.5倍以下，话晒佢哋上仗赢到其他对手冇得跑，睇嚟今次都幾稳阵。

　　怪飞马拣第十场「靓橙」，呢匹马今次第二次上阵，隔晚摆到明有飞，独赢曾得7.5倍，位置亦卖到2.2倍，记得今日出争第八场马会一哩锦标嘅同主马「甜橙」，当时在港第二仗同样有飞，结果跑获一席亚军。由此可见，「靓橙」今次可能会照办煮碗都未定。既然呢匹马上仗未操弗，赶工夫上阵都只係输四个马位畀头马，今次应会有进步，信佢。

　　骑师王方面，潘顿手执两匹2倍唔够大热，竟然有2.25倍？有古怪。照咁睇，都係秤先韦达好啲。周仲