馬拉加送辛尼特一程

猪拉多纳

歐聯完成頭4輪分組賽，唔少人都會特別睇重未夠分嘅球隊，至於篤定出線隊伍，就被認定會將3分拱手相讓，但事實明顯並非如此，上屆篤定小組首名嘅皇馬，就將唔輸得嘅阿積士踢出局，同類型例子基本上係數之不盡。
馬拉加歐聯6戰僅失1粒

今晚歐聯C組頭場有非勝不可嘅俄超球會辛尼特，主場迎戰篤定出線嘅馬拉加。辛尼特係今季歐戰最令人失望嘅豪華軍團，季初斥巨資買入「葡超孖寶」，結果搞到內訌，侯克同基沙哥夫呢對前鋒組合各自為政，之前「變型俠醫」因為妹妹傳被綁架休戰，辛尼特戰績反而提升，預期侯克今戰會復出，睇怕又會搞到一鑊粥。

未計昨晚賽事，已經有3隊率先晉級歐聯16強淘汰賽，其中一隊竟然係新丁馬拉加，無疑佢哋近期氣勢稍減，但計埋之前嘅附加賽，歐聯6戰都只係失得1粒，戰績相當硬淨。當然大家都會擔心佢哋入冬後造訪俄羅斯會唔會凍僵，但天氣預測聖彼德堡氣溫仲有5度，完全唔使擔心，受讓要2倍「讓球客勝」。

（有線61、64、201及204、中央5台周四凌晨1:00直播）

歐聯C組
足球重心：馬拉加（讓球客勝）、辛尼斯（勝）

馬膽推介：3場(3)龍船快

季初首戰贏5班一哩仲以為係受惠於慢步速，點知上場升班後贏得更易，進步到你唔信，今仗對手未見增強，有權爭取3連捷。