巴素利話晒「士」

猪拉多纳

「冚手A」鋒線着晒火

歐霸G組有場戰意分明的賽事，瑞士巴素利挾五連勝餘威士氣如虹，為爭取出線，今晚坐鎮主場誓宰近況曳到爆嘅葡超士砵亭，今場巴軍讓平半仲要低水，擺明獲得莊家支持，上盤信得過。

（有線63及203台周五凌晨2時直播）

揀波有時唔可能淨係睇實力，特別嚟到分組賽最後兩輪，邊隊仲有機會出線，邊隊已經無心戀戰，以戰意揀波較為可取。瑞士超班霸巴素利向來係歐戰常客，近五場全勝演出sharp醒，回復班霸本色，其中前線「兩條A」馬高史達拿同阿歷山大費爾愈老愈可愛，兩人合共包辦六個士哥。巴軍上輪擊敗維迪奧頓後重燃出線希望，今仗一定拚盡。
士砵亭無謂搏

對手士砵亭今季出閘脫腳，呢支昔日「葡超Big3」早前試過連續八場不勝，淪落到於聯賽榜下游掙扎，而於歐霸亦不復上屆打入四強勇態，暫時僅得2分排榜尾。球隊上仗聯賽主場1比0擊敗強敵布拉加，終取得換帥後首場勝仗，但仲有冇決心在歐霸搏出線實屬疑問。今場巴素利讓平半低水，明顯備受莊家睇好，盤口玄機在歐霸場合有好高參考價值，今場一於捧巴素利上盤。
亨克贏波即出線

G組四隊仍有出線機會，榜首亨克處於有利位置，只要今輪作客擊敗第二位維迪奧頓即可晉級，如果維迪奧頓贏波，榜尾士砵亭則提早出局。如果士砵亭仍有心爭出線，先做好自己本分的話，作客巴素利實屬非勝不可的一戰。