北萊茵打吡大爆發

猪拉多纳

今晚德乙有場好戲碼，「北萊茵威斯特法倫州打吡戰」科隆主場對波琴，兩支前德甲球隊即使落難到乙組，但仍有大把忠誠球迷支持。呢場打吡大戰氣氛濃厚，兩軍勢必迅速入局博錘，阿King認為開入球大機會甚高。

（周六凌晨1時開賽）
科隆喪攻 波琴唔縮

科隆同波琴今季成績麻麻，但打吡戰唔可以用近績衡量，事關兩隊為面子都會特別搏命，踢出超水準，勝負較難預料。尤其科隆主場出擊，更加唔衰得，預料會加強進攻，取悅球迷。波琴近期大踢性感足球，上月試過1比6大敗於奧厄腳下，但上仗卻大勝辛特侯遜5比2，踢法有前冇後，踢打吡戰更加唔會縮。

另一場德乙，雷根斯堡主場對阿倫，主隊衰到貼地，近六仗一和五負，有地利都無補於事，平手盤寧要客軍阿倫。柏達邦主場對特雷斯登，柏軍無論排名、近況都遠勝對手，但球隊比較慢熱，可考慮「半場和」。