維拉沉到嘔明益阿仙奴

猪拉多纳

本季英超爭逐激烈，好多球隊都打出超水準，其中西布朗、愛華頓、富咸等表現都好sharp醒。好就要讚，曳就要彈，如果要揀隊最令球迷失望嘅，細鬼就揀阿士東維拉。呢隊波攻不銳守不穩，連鬥志都冇乜，最慘係可觀性連昆士柏流浪都不如！

維拉本季冇乜買人，前線都係搵艾邦拉荷擔大旗，但呢名前英格蘭國腳，自好拍檔艾舒利楊格離隊後孤立無援，貴價射手戴倫賓特更冇晒影，認真唔爭氣。比利時前鋒賓迪基已經算係亮點，但呢個大舊射手只係二流貨色，唔幫得維拉幾多。前諾域治領隊林拔，今季執教維拉表現令人失望，如果再冇改善，下季大有機會跌落英冠。
捧上盤吼埋入球大

維拉沉到嘔，相反對手阿仙奴前鋒基奧特同普多斯基愈踢愈好，加上剛同心口贊助商阿聯酋航空續約至2018-19年球季，達18.5億港元的天價合約，士氣大振。作客讓得起半一，捧上盤之餘可兼顧埋入球大。

（有線300及200台周日凌晨1時30分直播）