告东尼缔造美丽

猪拉多纳

　　近期赛事，盃赛常客大摩成绩平平，出动马海战術一样冇计，上周日三场二级赛，出成十幾匹马，最终位置交代，成绩比预期差得远，反而，另一大马房告东尼，情况刚好相反。

　　东廐上周日凭「加州万里」夺取马会盃，继而在谷草夜赛再以「超綵」捧盃，连续两期有盃捧，都咪话唔威水！至於呢次其士盃，佢出三匹马迎战，唔係冇机会。

　　第八场一班1400米，东廐三雄「缔造美丽」、「天外之天」和「蓬莱仙子」，坦白讲，近绩冇隻好，好似唔靠得住，尤其係「天外之天」，愈跑愈沉，唔知坏咗啲咩？！但馀下两驹情况就唔同。

　　唔係话「蓬莱仙子」今场有资格捧盃，不过，以此马跑法，可能会令廐侣「缔造美丽」受惠，事关後驹目前转了後上跑法，如果前中段步速唔够快，形成末段难以追赶，但今场有「蓬莱仙子」同场，早段步速想慢都幾难，只要「缔造美丽」交得出近仗追势，有力取得久违了的头马。Jack