阿特蘭大打鐵趁熱

猪拉多纳

意甲阿特蘭大主場鬥熱拿亞，熱拿亞已淪為榜末，近期差劣演出只能用災難嚟形容，今晚作客去到Ali出生地貝爾加莫凶多吉少，阿特蘭大1.72倍主Ｗ係出擊重心。

（周日晚10時開賽）

目前排聯賽榜第8位嘅阿特蘭大今季演出比預期更好，上仗作客費倫天拿之前5場聯賽4勝1和，狀態出色，作客費倫天拿雖然輸到1比4被終止強勢，不過佢哋整個下半場都踢少一個，面對目前意甲其中一支最弗最強對手，輸波情有可原。而且阿特蘭大嘅強項係主場，近期先後擊敗勁旅拿玻里同國際米蘭足見威力非同小可，雖然上仗被逐嘅中場指揮官施加連尼要停賽，另一中場比安甸尼因傷上陣成疑，不過整體戰鬥力依然相當強橫。
熱拿亞頹勢難止

熱拿亞正處於水深火熱逆境，聯賽6連敗後成為意甲唯一得分單位數球隊，球員質量都唔及其他意甲隊伍，上場打吡戰遇上森多利亞演出更加冇眼睇，本身無法好好組織進攻之餘，遇上冇一個常規前鋒出得嘅森多利亞都要失3球，防線差到爆，佢哋今仗陣容亦殘，守將費朗列堤、盧卡安東尼利、莫拉堤同進攻中場基斯度布佐基拉統統因傷缺陣，連敗紀錄好可能增至7場。
Ali 推介：

阿特蘭大勝★★★★

費倫天拿上盤★★★★

祖雲達斯上盤★★★★