曼城征韋根例惡啃

猪拉多纳

英超快車全速開動，「阿二」曼城造訪豬頭骨韋根唔易啃。自08年暴發之後，曼城四次作客韋根，最叻嗰次都只係小勝2比0，其中三次開細。韋根本季鬥曼聯、車路士、利物浦都入唔到波，今場吼細盤！

（有線303及203台周四凌晨4時直播）
韋根守「城」有一手

曼城呢期戰績不過不失，雖大炒阿士東維拉，但僅逼和皇家馬德里，歐聯正式出局，啱啱去到車仔地頭又冇交收。最慘係今輪鬥韋根，係佢哋十三日內踢嘅第四場波，雖然曼城兵源充足，但咁踢法鐵人都死啦！加上大軍目前並非處於最佳狀態，信心亦只屬一般，呢場就算全取3分，睇嚟都係煲魚生粥。

韋根本季繼續踢得有板有眼，但對實力分子依然搵唔到破門辦法。近兩次主場鬥曼城，韋根都入唔到波，今戰捧細盤啱數。