費倫爭盃炒起自己友

猪拉多纳

本周中上演意大利盃，意甲前列球隊費倫天拿主場對乙組祖雲施達比亞。今季「紫百合」喺蒙迪拿領導之下表現極佳，老闆達拉華利兄弟更大讚蒙迪拿係當今球壇最具潛力少帥。其實「飛機仔」喺執教生涯未贏過任錦標，故今季肯定會全力爭盃，以向球迷及老闆肯定實力。對手祖雲施達比亞只係乙組仔，費倫天拿有力大捷，捧「讓球主勝」。

（now 633周四凌晨4時直播）

費倫天拿已保持多場不敗，期間更打起咗阿根廷外援干沙路洛迪古斯，相信蒙迪拿會繼續畀機會佢。至於回流球員東尼亦鹹魚翻生。蒙迪拿識得搞好球員關係及士氣。個個球員都開心快活，場上發揮自然得心應手。
祖雲施達比亞唔敢發圍

意乙祖雲施達比亞創會過百年，曾經歷過三次重組及多次更換老闆，去到近十年先至穩定落嚟。另外祖雲施達比亞與費倫天拿關係密切，陣中有三位球員都係從費倫天拿借用，為保雙方關係今場應唔敢發圍。