米爾頓凱恩斯大蝦細

猪拉多纳

米爾頓凱恩斯同AFC溫布頓仇人見面，一於玩「大」佢！雙方雖屬同門師兄弟，但乙組仔AFC溫布頓視英甲米爾頓為眼中釘，雖然人腳、狀態都輸蝕，但預料可踢高兩班波，逼死敵出真功夫，捧大！

（now 633及660周日晚8時30分直播）
AFC高層講明唔握手

米軍目前排英甲第3，客軍則於乙組排尾3，表面上兩軍實力相差頗遠。但因歷史關係，AFC溫布頓近績幾曳都可以抹咗佢。其老細艾歷森穆遜表明，今仗佢同一眾高層都唔會領仇人情，將拒絕坐喺主場包廂內，仲講明唔握手，反映彼此仇深似海，球隊肯定鬥志高昂，戰鬥力提升至120%。

米爾頓凱恩斯人腳不俗，前紅魔「辣椒仔」阿倫史密夫坐完波監可以披甲，而車路士借將中場班福特亦會上陣，加上隊長李雲頓能復出領軍，要取得入球唔難。事實上米軍為英甲「主場王」，近兩仗分別大炒對手6比1同5比1，今仗雙方肯定鬥攻，大盤可取。