撐奧尼爾！博黑貓擒金絲雀

猪拉多纳

英超競爭激烈，做領隊稍有差池隨時被炒，早排有迪馬堤奧、曉士食無情雞，依家連新特蘭主帥奧尼爾都有下台危機，不過阿占一直覺得奧尼爾係有料之人，今晚「黑貓」作客諾域治有力反彈，受讓平半，幾大撐下盤。（有線200及300、廣東體育周一凌晨0:00直播）
諾域治門將有傷

新特蘭近8場聯賽只係贏得1場，領隊奧尼爾甚至被自家球迷柴台，飽受壓力嘅「智多星」講明唔會辭職，講得出當然要諗計交貨啦！其實「黑貓」上仗打和昆士柏流浪表現有板有眼，雖然巴布爾同卡達莫受傷，但阿當莊臣同史提芬費查呢對搭檔愈夾愈熟，加埋施巴斯坦拿臣又愈踢愈好，絕對有力贏波反彈。

主場出擊嘅諾域治最近演出唔差，贏曼聯更係今季代表作，不過佢哋個王牌前鋒格蘭荷特狀態麻麻哋，國腳門將魯迪又話有傷未必踢得 ，如果呢一前一後核心球員有乜冬瓜豆腐，「金絲雀」嘅戰鬥力當堂減少五成，今場學咩人讓波先？

頂占筍盤：新特蘭（下盤）