堤格雷決賽手緊獻「細」

猪拉多纳

南球盃決賽首回合由阿根廷堤格雷主場對巴西聖保羅，堤格雷近年嚟都未試過咁叻仔，當然想威威，但對住聖保羅呢類大球會，未必咁易得手。聖保羅兩回合賽事亦唔使急進，今場宜捧細。

（有線61及201台周四早上7時50分直播）
聖保羅首回合唔會冒進

堤格雷差唔多可以話放棄咗個阿甲春嚟踢南球盃，依家得償所願，殺到入決賽，但其實佢係靠作客入球優惠先淘汰哥倫比亞球隊米倫拿列奧，而且球隊近六場五次開細，今仗決賽仲緊張，未必發揮得好。

相反，聖保羅一向係大賽球隊，對住堤格雷當然唔會腳軟，不過，由於係兩回合賽事，聖保羅唔使咁急於取勝，今場都係穩穩陣陣，留番次回合返主場先搏，一於揀細。