|
|
巴塞隆拿喺上周對畢爾包嘅比賽，創出西甲史上最佳開季成績，連同碧基及艾迪安奴嘅入球，將一眾後防球員嘅入球數字增加至8球，冠絕西甲。不過踢出悅目進攻足球嘅同時，由於後防兼顧太多進攻，令失球數字驟升，响對手不強嘅歐聯分組賽，當中都有3場未能保住清白，防線不穩將會係「地上最強」能否重登歐洲寶座嘅最大障礙，難怪近日會同多蒙特件後防支柱曉姆斯拉上關係啦。
貝迪斯上次主場擊退皇馬
今晚巴塞喺西甲作客貝迪斯，將會係另一場硬仗，貝迪斯今季西甲發揮唔失禮，除咗暫列第4之外，前一周更主場擊退皇馬，上場作客拉科魯尼亞亦踢咗場好精彩嘅賽事，結果以3:2勝出。雖然教練梅爾仍為後防傷兵滿營大為頭痛，正選馬里奧同保拿奧都繼續養傷，後備首選柏基斯亦唔能夠上陣。不過，可喜嘅係安東尼奧艾美亞同多拉度呢對組合暫時發揮不俗，門將阿祖安卡斯迪路近期亦打出代表作。
至於貝迪斯前線亦甚具威脅，新進國腳荷西簡拿斯截擊然後以長傳作反擊，配合前線嘅魯賓卡斯度，對住進攻型嘅巴塞相當煞食，而且巴塞「球王」美斯雖然喺歐聯傷出，初時睇好似好嚴重咁，但係呢兩日佢已經冇事，仲操咗兩課咁多，並入選19人大軍名單，佢只差一球就平到梅拿個入波世界紀錄，今場實會搏殺，更加有利大手交易。
（now632台周一凌晨4:00直播） |
|
金睛卡
发表于 2012-12-9 08:34
变色卡
显身卡