飛腳洩憤大鬧町田

猪拉多纳

Louis為人大情大性，投X同推介都鍾意入球大，睇波就當然喜愛進攻足球，我睇得最多係英超同德甲，有得揀會先睇阿仙奴、拜仁慕尼黑同雲達不來梅，不過講到全球我最鍾愛嘅兩支球隊，就要數智利甲組聯賽嘅奧達斯，同日職嘅大阪飛腳，因為呢兩隊波一直貫徹有前冇後風格，幫我贏得最多，今日天皇盃大阪飛腳主場對町田澤維亞，入球大係不二之選，中位數調整到3.5球照捧大盤。

（周六中午12時開賽）

大阪飛腳喺今屆日職排尾二，降班對Louis同好多喜愛進攻足球嘅球迷都係一大損失，佢哋以第17名身份成為全日職入波最多球隊（67球）絕對係世界足壇罕見奇聞，事實上佢哋近3季都係日職入波王，搞到今時今日田地令人痛心，如今佢哋即將星散，天皇盃臨別秋波，當然要搏盡攞好成績，希望留下美好回憶，陣中幾名當弗攻擊手李安度蒙迪拉、家長昭博同倉田秋隨時係最後一次合作，主場面對即將降落日丙嘅町田澤維亞，Louis相信會盡情發洩冇留手，入5、6球係等閒嘅事。
博埋7倍總入球「7+」

町田澤維亞喺日乙都包尾，防線同樣曳係失敗關鍵，不過呢隊波去到季尾攻力都唔可以睇小，除咗煞科戰不敵將升上日職嘅湘南比馬冇波入外，之前8場聯賽都有入波，今場作客越級挑戰全無壓力，亦無保留，雖然贏面甚低，但面對紙紮嘅飛腳防線，要入波並唔困難。如果大家嫌入球大得1.75倍唔算好分，建議博埋有7倍嘅總入球「7+」。
Louis推介：

大阪飛腳大 ★★★★★

大阪櫻花大 ★★★★

哈化柏林大 ★★★★