紅魔-2照捧「讓主」

猪拉多纳

「黑貓殺手」尹佩斯壓陣

英超「一哥」曼聯上周勇挫曼城，今晚乘勇回歸主場迎戰新特蘭，睇番客軍近年一直畀「紅魔鬼」恰死，特別係曼聯今季矢志重奪英超冠軍，鬥志特別旺盛，次次落後都可以反勝，今鋪仲加埋有「黑貓殺手」尹佩斯助陣，讓球主客和開到「-2」，一於照捧2.25倍「讓球主勝」啦！

（有線200及300、廣東體育周六晚11:00直播）
新特蘭兩主將打柴

老實講，曼聯今季表現唔算特別出色，特別係條防線都算幾得人驚，就算喺奧脫福主場，近8戰都只得1次冇失波，好多時都只係以1球險勝。不過咁，今晚「紅魔」嘅對手係新特蘭，需知「黑貓」近年被曼聯恰死，近5次對賽入唔到波之餘，近15次作客亦只得1場贏波，咪忘記費格遜講明久休嘅尼曼查維迪今仗復出，有咗呢位防線大佬壓陣，新特蘭想打破宿命入番粒？睇怕機會渺茫啲喇。

講真，小妹睇好曼聯開「讓主」嘅另一個原因，唔係「紅魔」近16次主場英超贏足14場，而係當家射手尹佩斯係「黑貓殺手」！唔講唔知，原來尹佩斯以前踢阿仙奴嗰陣，9次對新特蘭攻入7球，依家佢身邊換上班質素更高、對「黑貓」特醒嘅「紅魔鬼」，想入波就更易啦！對家新特蘭今鋪仲話有兩位主將阿當莊臣同巴士利因傷倦勤，攻守各缺一員大將，想唔畀人炒都難喇！