熱拿亞博反彈冇甩拖

猪拉多纳

歐洲主要盃賽暫時休戰，各國勁旅可以專心應付國內賽事，嚟緊呢段時間係搶分黃金期，相信戰果會相對正路。肥叔今次重心揀場意甲下游對決，熱拿亞主場對拖連奴，平手盤要主隊！

（周日晚10時開賽）

熱拿亞近況確係好曳，近期連場輸波，已經輸到人怕，佢哋人腳雖則麻麻，但未至於衰到降班，依家班波處於低潮，等緊一場波博反彈。拖連奴本來演出都幾穩定，近仗踢落突然走晒樣，作客連場輸波，今次都係難睇好。呢場係熱拿亞贏波黃金餐士，大部分莊家開緊平手盤，一於捧主隊！
利雲特受讓有「薩」氣

同日西甲早場薩拉戈薩主場對利雲特，兩隊剛於盃賽對碰，結果薩拉戈薩作客贏埋。睇落薩軍近況幾好，不過利雲特對盃仔態度唔多積極，呢場賽績參考價值唔大。利雲特近期喺聯賽客場水準好穩定，呢班波唔起眼，但打得真係好好，嚟緊仍然可以繼續跟進，今次受讓盤口有利，呢隻下盤亦可一試。
肥叔心水

利雲特下盤

熱刺上盤

基爾禾下盤

熱拿亞平手盤

西布朗上盤

華歷簡奴下盤、大

紐倫堡下盤