賓菲加超班 翻轉奧漢倫斯

猪拉多纳

聽日凌晨有多場葡聯盃賽事舉行，當然要（目及）實D組賓菲加。呢支班霸於當地一直有超班之勢，除要問鼎聯賽冠軍外，連葡聯盃呢隻盃仔都唔放過，已連續四屆稱王。既然佢哋戰意有保證，自然有捧場價值，作客奧漢倫斯，直取「讓球客勝」！

（周四凌晨3時45分開賽）

葡超「Big3」只有士砵亭近季跌watt，波圖同賓菲加就繼續保持強勢，但單以國內盃賽論，賓菲加比波圖更加有heart。葡聯盃榮譽比葡萄牙盃更低，但賓菲加依然頗為肉緊，雖然於賽事中都派出部分副選應戰，不過因為青訓做得好，就算畀年輕人出場都夠殺。奧漢倫斯近四仗一和三負狀態曳，主場都難擋強敵，今戰唔止輸一粒。
荷盃撐海倫芬「+1」

睇埋荷蘭盃，NAC主場鬥荷華高斯，雙方無論實力同狀態都相差無幾，不過荷華高斯於往績上一面倒佔優，近八次對NAC錄得七勝一和佳績，無謂拗頸捧客W。另一場海倫芬主場對飛燕諾，雖然海軍近態麻麻，不過主場總算保得住氣勢，飛燕諾未算頂級勁旅，讓波要番海倫芬「讓球主勝」。