護級6分波愛斯賓奴尼料

猪拉多纳

西甲歇冬前最後一輪賽事，提早今晚展開，阿King推介護級大戰，愛斯賓奴主場對拉科魯尼亞，以主勝作為過關重心。「愛奴」上月尾改由墨西哥名帥艾古爾執教後，表現大為改善，上仗作客逼和皇馬，為球隊打下一支強心針，遇上包尾嘅拉科，係時候重敲勝鼓。

（周五清晨5時開賽）

艾古爾以往教過奧沙辛拿、馬體會及薩拉戈薩，屬於西甲通，所以一接手愛斯賓奴，好快對症下藥，成功令球隊復甦。早前對西維爾，如非補時失守，早已全取三分，上仗惡鬥皇馬，力保不敗，大大提升球員信心，從呢個走勢來睇，距離勝利愈來愈近。尤其係今場屬於護級「六分波」，更加刺激爭勝鬥心。
利雲特硬淨受讓筍

反觀拉科仍然死氣沉沉，後防非常脆弱，上月作客實力相若嘅薩拉戈薩都失5球，恐怕抵擋唔住當頭起嘅愛斯賓奴。另一場華歷簡奴主場對利雲特，利軍近六次作客不敗，表現硬淨，受讓要「讓球客勝」。最後皇家蘇斯達主場對西維爾，兩隊近期不時出現大手交易，簡單要入球大。